Bydd Charlie Evans, ymgeisydd Ceidwadol Dwyfor Meirionnydd, yn cynnal cyfarfod cyhoeddus ar-lein dros gynlluniau Cyngor Gwynedd i gau Ysgol Abersoch. Bydd hefyd yn gyfle i drigolion Abersoch ac Aberdaron siarad am faterion eraill.
Dywedodd Mr Evans, "Dwi'n bryderus iawn ynghylch y bwriad i gau Ysgol Abersoch gan Ysgol Sir Gwynedd, sy'n cael ei rhedeg gan Blaid Cymru. Dyma'r enghraifft ddiweddaraf o bolisi'r Cyngor o gau ysgolion gwledig.
"Fy nghynllun ar gyfer Dwyfor Meirionnydd yw gweld cyfleoedd newydd yn cael eu creu yn yr etholaeth. Rwyf am weld pobl yn tyfu eu teuluoedd yma. Rwyf am weld cymunedau lleol yn ffynnu. Mae ysgolion yng nghanol y strategaeth honno. Nid yw dirywiad ysgolion gwledig yn anochel ac mae'n ysgol arall eto i gau ar y Llyn. "
Ysgol Llanaehaern oedd yr ysgol olaf i gau ar Benisula Llyn ar ddiwedd y flwyddyn academaidd ddiwethaf ond mae'n dilyn blynyddoedd o ailstrwythuro ysgolion gwledig yng Ngwynedd.
Parhaodd Mr Evans: "Mae Cyngor Gwynedd, sy'n cael ei redeg gan Blaid, yn tynnu sylw at y costau y pen i redeg yr ysgol yn erbyn y gost gyfartalog. Fodd bynnag, mae'n anwybyddu'r ffaith y bydd ysgolion tref bob amser yn llai costus i'w rhedeg fesul disgybl. Os mai dyna yw sail eu penderfyniadau , yna rydyn ni'n mynd i weld mwy o ysgolion gwledig yn cau. Nid yw hyn yn deg.
“Mae hwn yn benderfyniad sydd ond yn edrych ar y goblygiadau cost tymor byr, gan fethu â chydnabod buddion cymdeithasol a diwylliannol hyrwyddo’r Gymraeg, yn ogystal â gwneud adfywio cymunedau gwledig yn llawer anoddach.
"Dwi'n croesawu unrhyw un sydd â phryderon i ddod i'm cyfarfod ac annog pawb i gymryd rhan ym mhroses ymgynghori ffurfiol Cyngor Gwynedd. Hoffwn ddiolch i ymdrechion Cymdeithas yr Iaith i ymestyn y ffenestr ymgynghori."
Bydd y cyfarfod yn cael ei gynnal dros Zoom am 7pm ddydd Iau nesaf. Gellir gweld y manylion llawn yn charlieevans.wales/events/abersoch.
